Ұлыбританияда пойыздағы шабуылдан 10 адам зардап шекті

Ұлыбританияда пойыздағы шабуылдан кейін он адам ауруханаға жеткізілді, 9-ы ауыр жарақаттанды деп хабарлады BBC ақпарат агенттігі. Шабуыл сенбі күні кешке Донкастерден Лондонға бара жатқан пойызда болған. Полицияға шабуыл жөнінде хабар түскеннен кейін пойыз кестеден тыс Хантингдон станциясына тоқтаған. Полиция екі ер адамды ұстады - олар қамауға алынды. Әзірге қамалғандардың аты-жөні белгісіз және олардың шабуылдау себебі де айтылмайды. Полицияның хабарлауынша, оқиғаның себебіне қатысты болжам айту әзірге ерте . Ұлыбританияның премьер-министрі шабуылды адам шошырлық оқиға деп атады. Зардап шеккендермен біргемін, жедел қызметке жылдам реакциясы үшін алғыс айтамын деп жазды X желісінде. Мемлекеттік статистикаға сүйенген BBC-дің жазуынша, 2011 жылдан бері Ұлыбританияда суық қару қолданған қылмыс саны үздіксіз артып келеді. Қоғамдық орындарда пышақ алып жүргендер 4 жылға дейін бас бостандықтарынан айырылуы мүмкін.

Read on the original site